Volda tar tak i eigedomsforvaltinga

Sist oppdatert torsdag 19. august 2010 11:58

- Som mange andre kommunar har Volda ei stor bygningsmasse prega av mange års dårleg vedlikehald. Hovudårsakene er dårleg kommuneøkonomi og manglande politisk prioritering. Samstundes har krava frå brukarane endra seg. Fleire bygg skal renoverast så snart økonomien tillet det; i tillegg ynskjer vi å etablere betre rutiner for kontinuerleg vedlikehald. Dette føreset gode administrative system, og det føreset at kommunepolitikarane er villige til å prioritere naudsynte midlar. God forvalting skjer gjennom gode og oversiktlige rapportar med tilrådingar som skaper  politisk diskusjon og prioritering. Forvalteren treng også eigarar som bryr seg og som stiller krav. Dette seier Knut Innselset, som er leiar av Eigedomsavdelinga og Ingrid Opedal, som er nestleiar i byggenemnda i Volda kommune.

I rapporten  "Krevande eigarar og dyktige forvaltarar gjev god eigedomsforvalting" gjer dei kort greie for konklusjonar, mål og råd for betre forvaltning og vedlikehald.  Når det gjeld energi, miljø og universell utforming gjer statusrapporten oversyn over arbeidet til no.